ئیران تووپ وەشنێد ئەرا سیدەکان لە هەولێر

شەفەق نیوز/ هیزەیل ئیرانی، شەوەکی ئمڕوو چوارشەممە، تووپ وەشان ئەرا ناحیەی "سیدەکان" باکور پارێزگای هەولێر وە دەسپیچگ ئامانجگردن پارتەیل کوردی دژ وە رژێم لە تەهران. 

ئیحسان چەلەبی وەڕێەوبەر ناحیەگە وە ئاژانس شەفەق نیوز راگەیان، تووپەیل ئیران لە نزیکەی ساعات هەشت دەسکردنە وە گورز وەشانن‌ تا ساعات نۆ شەوەکی وەردەوام بویە.  

وتیش، ناوچەی"بەربەزین" کریاسە ئامانج، باس لە  هویچ زەرەدیک گیانی و مادی نەکریایە.  وەرپرسیگ ناوخوەیی وت، تاقیکردنەوەی مەکتەوەیل یەکیگ لە ئاوایەیل نزیک پەلامارەگە دویاخریایە ئەرا پاراستن سەڵامەتی خوەنەوارەیل.