ئەرا یەکەم جار دویای 6 دەیە.. بەشیگ کوردی لە پێشانگای ناودەوڵەتی دیمەشق "وینە"
شەفەق نیوز ـ دیمەشق
پێشانگای ناودەوڵەتی دیمەشق لە خولە 63ی خوەی بەشدارییگ کوردی لە ری بەش تایبەت وە میرات و کولتوور کوردی دوینرێد، وەی بەشداریە وە یەکەم جویر خوەی دانرێد دویای دەسوەپیکردن پێشانگاگە زیاتر لە ماوەی 6 دەیە.
بەشە کوردیەگە نموونەی جوراوجویر لە میرات کوردی گرێدەخوەی، جویر قاو و قاچاخەیل مسی، ئامێرە موسیقیەیل، دڵنگ کوردی، وەرد کۆمەڵێک دەستنویسیەیل، لە تەقەلایگ ئەرا پێشکەشکردن وێنەیگ لە بڕیگ لایەنەیل کولتوور و میراتی کوردی وە سەردانکەرەیل پێشانگاگە.
وەرپرس بەشە کوردیەگە، محەمەد سولەیمان، وە ئاژانس شەفەق نیوز وت، بەشدارییەگە مانای سیمبولی دیرێ، چوینکە ئێ بەشدارییە ئەرا یەکەم جار وە ناو کورد لە پێشانگای ناودەوڵەتی دیمەشقە، دویای رەدبوین 63 ساڵ لە دەسوەپیکردنی، وە باوەڕ هەس هەبوین میرات کوردی لە پێشانگاگە دەرفەتیگە ئەرا ناسانن کولتوور و ناسنامەی کوردی لە ناو دیمەن گشتی سوریا.
لە بەشەگە هەمیش نیشاندان هەڵپەڕکێ کوردی پێشکەش کریا، کە وەلایەن گرووپ وڵات ئەنجام دریا، وەرد کاردانەوەی سەردانکەرەیل پێشانگاگە، لە دیمەنیگ لە لایەنەیل فۆلکلۆر کوردی نیشان دا.
وەپای ئەو کەسەیە وەرپرس بەشدارییەگەن، ئامانج سەرەکی لە بەشدارییەگە رەسانن پەیامیگە وە سوریەیل و سەردانکەرەیل پێشانگاگە کە کورد پێکهاتەیگ رەسەنە لە پێکهاتەیل کۆمەڵگای سوری، و وازکردن مژاریگ ئەرا ناسانن کولتوور و ناسنامە و میراتەگەیان.
