راپۆرتیگ ئەمریکی تەمەی تواناکردن هەرێم کوردستان کەێد تا بوودە هاوپەیمان وەهێزیگ ئەرا واشینتۆن لەناوچەگە

شەفەق نیوز/ راپۆرتیگ ئەمریکی، ئمڕوو شەممە، تەمەی وەتواناکردن هەرێم کوردستان کرد و گواستنەوەی زانیاریە هەواڵگریەگان وەگەردی تا بوودە هاوپەیمان وەهێزیگ ئەرا ئەمریکا لە ناوچەگە.
راپۆرتیگ لە ماڵپەڕ «زا هێڵ» لەزوان سیس ج. فڕانتزمان وەڕێۆبەر جیوەجیکەر ناوەند خوەرهەڵات ناوڕاس ئەرا خەوەردان و ووردبینی وت: باڵەیل سەروە ئیران لە عراق، لە هەڕەشەیلیان لەبان هاوپەیمانەیل ئەمریکا جوور هەرێم کوردستان ئەرا جەختکردن لەبان ئەمریکا تا گشت هێزەگانی لە عراق بکیشێدەو.
و دووپاتکرد ک ئەگەر ئەو باڵەیلە واز هاوردن لە پەلامار هێزە ئەمریکیەگان لە رخ بەرسڤ ئەمریکا، بەڵکم واز نێەتێەرن لە ئامانجکردن هاوبەشەیل ئەمریکا و کورد وەتایبەت، وەئامانج جەختکردن لەبان واشینتۆن تا لەعراق دەرچوودە، م بوودە دەرفەتیگ ئەرا باڵەگان تا کۆنتڕۆڵ وڵاتەگە بکەن.
فڕانتزمان ئاماژە کرد ئەرا وەرجە سێ ساڵ، دویای شکست داعش لە عراق، ک کورد ریفراندۆم سەروەخوەیی کرد، وە وەڵامیان لەبان ئەوە، بەغداد تانکەگانی ئەرا شار کەرکوک دابڕیاگ رەوانەکرد، و پێشمەرگە دەرکرد، ولەو وەختە هووشدار داگە کورد ک هێزەیل حەشد شەعبی هانە بان دەسەڵات و ئەوەسا کەرکوک و شەنگال وناوچەیل دەورگرد مووسڵ داگیر کەن.
و دووپاتکرد لە ماوەی ساڵەیل گوزەیشتە هێزەیل حەشد شەعبی بوینە دەوڵەتیگ لەناو دەوڵەتەگە، و خاڵەیل وەشکین و شوونەیل سەربازی لە گشت ناوچەیل عراق دروس کردن، وتیش؛ ئیدارەی تڕامپ توێنست نوای ئی باڵەیلە بکرێد، وە کوزەیلیگ ئاسمانی و هەڕەشە، و ئاماژە کرد ک ئی باڵەیلە ترسن سەرۆک تڕامپ وە سەختی وەڵام بیەێد ئەگەر هێزە ئەمریکیەگان کەفتنە وەر زیان، ئەراوە پەلامار هاوبەشەیل ئەمریکا دەن.
فڕانتزمان جەختکرد لە گرنگی ئەوە ک واشینتۆن وەردەوامبوود لە بەرهەمهاوردن لە ئاسایش هەرێم کوردستان، وتیش؛ جەخت ئەمریکا لەدویای پەلامار فڕۆکەخانەی هەولێر هیشت داوا بکریەێد لیوای ٣٠ لە حەشد شەعبی ک هانە ئەو ناوچەگ مووشەکەگان لیلیەو وەشیان، تا وەرو دویا بچن تا دەیشت چوارچێوەی هەولێر.
وتیش؛ ئەیە گرنگە؛ بایەدە ئەمریکا
وەردەوامبوود لە جەخت و گواستنەوەی زانیاریەیل هەواڵگری و هەماهەنگی ئەمنی وەگەرد هێزەیل کورد، تا هەولێر بتوێتێد بوودە هاوپەیمان وەهێزیگ لەناوچەگە..