ئەرا دوویەم رووژ.. تووشهاتنەگان کۆڕۆنا لە هەرێم کوردستان لە خوار ٣٠٠
شەفەق نیوز/ وەزارەت تەندروسی لە هەرێم کوردستان، ئمڕوو جمعە، لە دویاتریان ٢٤ ساعەت ٢٣٦ تۊشهاتن نوو وە ڤایڕۆس کۆڕۆنا تۆمار کرد، لە داوەزین ئاشکرایگ ئەرا تیژی پەتاگە، دویای چەن هەفتەیگ لە رەسینی ئەرا لووتکەگەی.
وەزارەتەگە لەبەیاننامەیگ رەسیە ئاژانس شەفەق نیوز وت: ٤٢٠٥ تاقیکردنەوە ئانجامدا وەیجۊرە: ١٣٧٠ هەولێر، ٦٨٥ سلێمانی ، ٢٠٢٣ دهۆک، ٢٠٤٥ هەڵەبجە، ٨٤ گەرمیان، ١٤ راپەڕین.
وتیش؛ ٢٣٦ تۊشهاتن نوو تۆمارکرد وەیجۊرە بەشەەوبۊن: ٧٨ هەولێر، ٧٩ سلێمانی، ٥٦ دهۆک، ١٠ هەڵەبجە، ١٣ گەرمیان.
بەیاننامەگە ئاماژەدا وە خاسەوبۊن ٣٨٧ تۊشهاتگ وەیجۊرە: ١٠٣ هەولێر، ١٣ سلێمانی، ٢٣٧ دهۆک، ٥ هەڵەبجە، ٢٩ گەرمیان.
بەیاننامەگە هەمیش وت: ٨ تۊشهاتگ ئمڕوو مردن، وەیجۊرە: ٢ هەولێر، ٤ سلێمانی، ٢ دهۆک.
وەیەوە بڕ گشتی تۊشهاتنەگان لە وەخت بڵاوبوین ڤایڕۆس کۆڕۆنا لە هەرێم تا ئیسە رەسیە ٩٧٨٢٠ تۊشهاتگ، لەلیان ٦١٥٩٠ بیمار خاسەوبۊنە، وهیمان ٣٣٠٢٧ لەلیان هانە چارەسەری، و ٣٢٠٣ مردنە.
