کۆرۆنا دەێدە بازاڕ ماشین لە هەرێم کوردستان
شەفەق نیوز/ ئامارەیل وەڕێوبەریەتیەگان گومرگەگان لە هەرێم کوردستان، داوەزین گەورایگ نشاندان لە هاوردەی ماشین لە دەیشت ئەرا ئی ساڵە، لەوەر کەمەوبوین خوازین لە سەنینیان لەوەر کاریگەریەگان ڤایڕۆس کۆڕۆنا.
وەگوەرەی زانیاریەگان ئاژانس شەفەق نیوز، ئامارەیل وەڕێوبەریەتیەگان گومرگەگان لە هەرێم کوردستان لە ماوەی ئی ساڵە دووپاتکەن لە هاوردەی تەنیا ٣٣ هەزار ماشین ئەرا هەرێم بویە، ک رێژەی ٨٠% لەی ماشینەیلە ئەرا هاووڵاتیەیل پارێزگایل دەیشت هەرێم فرووشیا.
خاوەن کۆمپانیایل هاوردە، دووپاتکردن هەرچەن نرخەگان کەەمەو کریا و خزمەتگوزاری لە هاوردەی ماشین فرەوەبوی، بەڵکم نەتوێنستن بڕ فرووشتنیان زیایەو بکەن.
لە هووکار داوەزین فرووشتن ماشین، خاوەن کۆمپانیەگان دوپاتکەن ک فرووشتن ماشینیگ لە مودێل ٢٠٢٠ ئمساڵ کەمتر بوی وەرانوەر ساڵەیل گوزەیشتە، لەوەر کاریگەریەگان ڤایڕۆس کۆڕۆنا لە کوردستان و عراق و گشت جهان.
