رەفتار چەپی‌چەواشەێ کوردەێلە
2021-04-21T09:51:31+00:00
شەفەق نیوز- وە بان دومائامارێ ک لە فرووشتن کیف و کەوش و پرتاڵ، دە ئێران دریاگە وە دەر، وەێجوورە دیارە ک ئوستانەێل کوردنشین کوردستان و خوراسان ژۆرین وەگەرد ئوستان لوڕنشین کوهگیلوویە و بوێرئەحمەد، هەرچەن ک ژار و هەژارترن باوجی رەفتارەگەیان دە لا خەرج کردنەو چمان چۆچشتێ چەواشەسە.
دە بنەجووریێ ک ئەڕا بەش پووشاک‌سەنین و هەڵسەنگاننێ وەرد سەوەتەێ بنەماڵەێلە کریاگە وەێجوورە دیار داگە ک دە هەر بنەماڵەێ شارنشین، دە ئەو سێ ئوستانە فرەترین بەش وە خڕین پووشاک دریاگە ئوو دە سێ ئوستان تێهران و بووشێهر و خووزستان کەمترین بەش.
یە یانێ ک پیت و پەڕوو سەنین یەکێ لە یەکم کارەێلەێ کوردەێلەسە و یەکێ لە ئاخر کارەێلەێ بنەماڵەێل تێهرانی ئوو تێهرانییەلە لەێ چەمسارە و لەێ هەڵسەنگاننە کەمتر پوول و پارەێ خوەیان بەترەفەو دکەن.
