دوو مردن و ١٠٩ تووشهاتن نوو وە کۆڕۆنا لە ناوچەیل ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو جمعە، راگەیان تۆمارکردن دوو مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: دوو مردنەگە ئەرا دوو پیاو لە حەسەکە و شەهبا تۆمار کریا.
موستەفا دووپات کرد ک ١٠٩ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٥٨ پیاو و ٥١ ژن تۆمار کردنە.
تووشهاتنە نووەکان وەیجوورە بەشەوە بوین: حەسەکە ٢١، قامیشلۆ ٣٩، دێریک ١٣، دەرباسیە، ٣، تەبەقە ١١، کۆبانی ٧، ریقە ٥، مەنبج ٤، شەهبا ٦٦.
وتیش؛ ١٠ خاسەوبوین لە پەتاگە تۆمار کردنە.
جی باسە ک ژمارەی تووشهاتنەکان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٩٤٩٢، لەلیان ٣٦٦ مردنە، و ١٢٩٠ خاسەو بوینە.
