دوو مردن و ٩ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-02-18T10:37:02+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن دوو مردن لەوەر پەتای کۆڕونا لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: دوو مردنەگە، یەکیگ پیاویگ لە کۆبانی بوی، و ئەواکە ژنیگ لە ریقە.
موستەفا وتیش: ٩ تووشهاتن نوو لە ناوچەیل ئیدارەی سەروەخوەیی تۆمار کردن، ئەرا ٧ پیاو و ٢ ژن.
و ئاماژە کرد ک تووشهاتنە نووەگان وەیجوورە بەشەوە بوین: حەسەکە ١، قامیشلۆ ١، ریقە ٢، دێر زۆر ٣، تەبەقە ١، مەنبج ١.
و هەمیش ٣ خاسەوبوین نوو تۆمار کریا.
جی باسە ک ژمارەی تووشهاتنەگان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٥٨٨، لەلیان ٣٠٨ مردنە، و ١٢٢٩ خاسەو بوینە.
