دویەمە وەماوەی ٢٤ ساعەت.. زەویلەرزەیگ وەتونی ٣.٧ پلە دەێد لە سلێمانی
2023-07-15T15:43:00+00:00
شەفەق نیوز/ وەزارەت گواستنەوەی عراق، ئمڕوو شەممە، توومارکردن زەویلەرزەیگ لە قەزای چەمچەماڵ لە پارێزگای سلێمانی راگەیان، وەبی توومارکردن زەرەد دارایی.
وەزارەتەگە لە بەیاننامەیگ رەسیە ئاژانس شەفەق نیوز وت: روانگەیل زەویلەرزە لە دەسەی گشتی کەشناسی و زەویلەرزەناسی، لە ساعەت 04:04:50 ئیوارەی ئمڕوو زەویلەرزەیگ وەتونی ٣.٧ پلە لەبان پەیمانەی ریختەر توومار کرد، وە دویری ٤٩ کێلومەتر وەرەو باشوور خوەرھەڵات قەزای چەمچەماڵ لە پارێزگای سلێمانی.
دیاری کرد ک بڕیگ لە خەڵکەگە هەس وە زەویلەرزەگە کردن، و هویچ خەوەر زەرەدیگ نەڕەسیە.
دویەشەو جمعە، کەشناسی و زەویلەرزەناسی زەویلەرزەیگ لە پارێزگای سلێمانی توومار کرد.
دەسەگە لە راپۆرتیگ دیاری کرد ک لە ساعەت 08:56:10 شەو جمعە، زەویلەرزەیگ وەتونی ٣.٩ پلە توومار کریا، وەدویری ٤٢ کێلومەتر وەرەو باشوور خوەرھەڵات چەمچەماڵ لە پارێزگای سلێمانی.
