دویای ساڵەیلیگ وەشوینکەفتن.. دەسگیرکردن یەکیگ لە گەورەترین بازرگانەیل هووشبەری لە هەرێم کوردستان
شەفەق نیوز/ بنکەی دژە هووشبەری لە ئیدارەی ناوچەی سۆران لە هەرێم کوردستان، ئمڕوو یەکشەممە، خەوەردا لە دەسگیرکردن یەکیگ لە رخبەرتەین بازرگانەیل ئی مادەیلە لە هەرێم کوردستان، دویای وەشوینکەفتنی ئەرا چەن ساڵیگ.
بنکەگە لە بەیاننامیگ رەسیە ئاژانس شەفەق نیوز: دویای چەن ساڵیگ لە لێکۆڵینەوە وگردەوکردن زانیاری، و چەودیریکردن هویرد، هیزەیل بنکەی دژە مادەیل هوشبەری لە سۆران، توەنست توومەتبار (س.ع.خ) یەکیگە لە گەورەترین بازرگانەیل هووشبەری لە هەرێم کوردستان لەلای خاڵ وەشکین "کوجار" دەسگیر بکەن.
بەیاننامەگە دیاری کرد ک توومەتبارەگە خەڵک ئیدارەی ناوچەی "ڕاپەڕین"ە، لە قەزای "قەڵادزێ" ودەوڵەت ئیران نیشێد، وبەش شیر لە فرووشتن مادەیل هوشبەری وەگشت چینەیلی "کریستال" و "هیرۆیین" و "تلیاک" لە هەرێم کوردستان دیرێد.
وەگورەی بەیاننامەگە، لە ماوەی چەن ساڵ گوزەشتە، هیزەیل دژە هووشبەری توەنستن دەسوەبان بڕەیل گەورەیگ لە هوشبەری وحەپ هوشبەری بنەن، و هەمیش دەسنانە بان چەن ماشینیگ، و شمارەی گەورەیگ لە وەکارهاورەیل هوشبەری وبازرگانەیل دەسگیر بکەن، ک لەلای (س.ع.خ) کار کەن.
بەیاننامەگە وتیش: ئەو کابرا سەرپەرشتیاری لەبان باند گەورەیگ کردیە ئەرا هاوردن و فرووشتن مادەیل هوشبەری، و وەدەسگیرکردن ئی بازرگانە مادەیل هوشبەری لەناو سنوور پارێزگای هەولێر ئەوەسە روی وەرەو کەمەوبوین وەشیوەی وەرچەویگ کەێد.
