دویای سەختەوبوین کۆڕۆنا.. دهۆک کەرەنتین دوو ئاوای کەێد
شەفەق نیوز/ دەسەڵاتە تەندروسیەگان لە قەزای ئاكرێ سەروە پارێزگای دهۆک لە هەرێم کوردستان، راگەیانن چەسپانن کەرەنتین تەندروسی لەبان دوو ئاوای، دویای تۆمارکردن زیاتر لە ٢٠ تووشهاتن، وتیش ژمارەی تووشهاتنەگان لە ئاست قەزاگە رەسیە ١٣٣ تووشهاتگ.
سەباح زهێر وەرپرس راگەیانن تەندروسی ئاكرێ ئەرا ئاژانس شەفەق نیوز وت: ژمارەی تووشهاتنەگان وە ڤایڕۆس کۆڕۆنا لە سنور قەزاگە وەردەوامە لە بەرزەوبوین، وەتایبەت لەدویای جەژن قوربان.
ودیاری کرد ک ژمارەی تووشهاتگەیل رەسیە ١٣٣ كه‌س دویای تۆمارکردن ٢٥ تووشهاتن دویەکە سێشەممە، ک ئی ژمارەیلە هیشتن فەرمانگەی تەندروسی ئاكرێ کەرەنتین تەندروسی بچەسپنێد لەبان دوو ئاوای تەلبوکی وگورانکی، دویای تۆمارکردن زیاتر لە ٢٠ تووشهاتگ لە دوو ئاوایەگە.
سەباح زهێز هووکار زیایبوین ژمارەی تووشهاتگەیل لە قەزای ئاكرێ لەوەر ئاسانکاریە دویایینەگە ، ئەرا گواستنەوەی هاووڵاتیەیل لەناونی قەزاگە و پارێزگاگان دانا ، هەمیش وەناو هاتن هاووڵاتیەیل ئەرا ناو شارەگە وەشیوەیگ نا یاسایی، وهەمیش نا پابەندی هاووڵاتیەیل وە رینمایل مقەیەتی لە ڤایڕۆس کۆرۆنا.
