دویای یەک رووژ لە سەردانەگەی کازمی.. فڕۆکەیل تورکیا بمباران باکوور دهۆک کەن

شەفەق نیوز/ فڕۆکە جەنگییەگان تورکیا، نیمەڕوو ئمڕوو جمعە، بمباران ناوچەیلیگ لە ناحیەی دێرلوک لە قەزای عمادیە لە باکوور پارێزگای دھۆک لە هەرێم کوردستان کردن.

سەرچەوەیگ ئەمنی وەرپرس ئەرا ئاژانس شەفەق نیوز وت: گورزەگە رەسیە دەورگرد ئاوایەیل کورو و بناڤی لە ناوچەی نهێلی، و ئاماژە کرد ک لە دویای بمباران ناوچەیلیگ ک دانیشتوەیل لەناویان نییە، هیمان زەرەدەگانیان دیار نییە.

ئی بمبارانە لە دویای سەردانیگ فەرمی لەلایەن موستەفا کازمی سەرۆک وەزیران عراق ک دوێەکە پەنجشەممە وەگەرد شاندیگ پایەبەرز ئەرا ئەنقەرەی پایتەخت تیەێد، و لەناوی چەوی کەفتە رەجەب تەیب ئۆردوگان سەرۆک تورکیا.