دهۆک دەیان تووشهاتن نوو وە کۆڕۆنا ئاڵشتبویەگە تۆمار کەێد
2021-03-02T10:09:44+00:00
شەفەق نیوز/ فەرمانگەی تەندروسی پارێزگای دهۆک، ئمڕوو سێشەممە، هووشداری لە بڵاوبوین زوینەیگ ئەرا ڤایڕۆس کۆڕۆنای ئاڵشتبوی کرد، دویای تۆمارکردن دەیان لە تووشهاتنە نووەگان لەلی.
حەمزە رزیکی وەرپرس راگەیانن فەرمانگەی تەندروسی ئەرا ئاژانس شەفەق نیوز وت: تەندروسی دهۆک ٣٢ تووشهاتن نوو وە ڤایڕۆس کۆڕۆنای ئاڵشتبوی لە پارێزگاگە تۆمار کرد.
و ئاماژە کرد ک ٨٠٪ لە تووشهاتنەگان لە ڤایرۆسە ئاڵشابویەگەس، و هووشداری کرد ک شەپۆلە نووەگەی ڤایڕۆسەگە لە پارێزگاگە هالە سەرەتایی.
