دروسکردن فەوج نوویگ لە حەشد شەعبی لە کورد تا شوون پێشمەرگە لە کەرکوک بگرێد
2020-12-12T07:26:43+00:00
شەفەق نیوز/ ئەدهەم جمعە وەرپرس حەشد شەعبی کوردی، ئمڕوو شەممە، راگەیان دروسکردن فەوج نوویگ لە حەشد کوردی لە باشوور خوەرائاوای کەرکوک.
جمعە ئەرا ئاژانس شەفەق نیوز وت: فەوجە نووەگە ١٢٠ جەنگاوەر کورد هاناوی و جەبار خالدانی فەرماندەی فەوجەگەس، و لە ساعەت ١٢ی نیمەڕو ئمڕوو لە ئاوای چەخماغە سەروە قەزای دووبز وەفەرمی فەوجەگە واز کریەێد.
وتیش؛ مووڵەت فەرمی لە دەزگای حەشد شەعبی ئەرا دروسکردن ئی فەوجە هەس، و پەیوەندی وە فەرماندەی تەوەر باکوور دیرێد.
جمعە دیاریکرد ک حەشد شەعبی کوردی ئەرک مقیەتی ئەو ناوچەیلە گرێد ک لە وەرپرسایەتی هێزەیل پێشمەرگە بوین، و دویای کیشانەوەیان لە ١٦ی تەشرین یەکەم ٢٠١٧، ئەو ناوچەیلە بوینە مەترسی ئەمنی لەبان دانیشتوەگان و لە بان خەڵک ئاوای چەخماغە، ک لەوەلا شاتەیل ریخریاگ داعش تیرۆرست هەن.
