داوەزیان نرخ هەسێ جویرەگەی بانزین
2024-01-18T10:36:34+00:00
شەفەق نیوز/ قسەکەر وێستگەی سزەمەنی سلێمای راگەیان، هەرسێ جویرەگەی بانزین نرخەگەی داوەزیان وە خوەیەو دونێد وە بڕ 25 دینار لە ساعەت چوار ئیوارەی ئمڕوو پەنجشەممە.
بەهمەن عەبدولقادر وە ئاژانس شەفەق نیوز وت، لە ئیوارەی ئمڕوو پەنجشەممە ساعەت چوار نرخ بانزین سوپەر وە بڕ 25 دینار داوەزید رەسێد ئەرا 1200دینار، وتیش نرخ یەک لیتر موحەسەن ئیرنگە1100 دینارە ئیوارەی ئمڕوو رەسێدە 1075 دینار ئەرا هەر لیتریگ.
لە ئیوارەی ئمڕوو پەنجشەممە بانزین نۆرماڵ ئیرنگە نرخی875 دینارە و رسێدە 850 دینار.
وتیش، بەرهەم هاوردن ناوەخوەیی بەرزەوبویە و هەمیش بەشەوکردن بانزین 750 دیناری وەلایەن حکومەت هەرێم کوردستان، وە کوالێتی بەرزیگ، هیشتە داواکاری لەبان بانزین بازرگانی داوەزێد.
بەهمەن وتیش،لەسەرەتای ئمساڵ نرخ بانزین وە هەر سێ جویرەگەی وە بڕ 75 دینار داوەزیا.
