دارایی کوردستان ئویشێد نزیکە لە چارەکردن گیچەڵەیل هونەری وەرد دارایی فیدڕاڵی
شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو شەممە، وت: تیمەیل هونەریی و ئەو تیمەیل لە وەزارەت دارایی فیدڕاڵی، رەسینە نزیک لە تەواوکردن کارەیلیان.
شاند حکومەت هەرێم کوردستان وەرد وەزارەت دارایی فیدڕاڵی، ئەرا دویەم رووژە وەردەوامە لە گردەوبوین لە بەغداد پایتەخت.
لەی باوەتە، دارایی کوردستان لە بەیاننامەیگ ئمڕوو وت: گردەوبوینەیل وەردەوام ناوەین دوو وەزارەت وەردەوامە ئەرا چارەکردن گیچەڵەیل هونەری، و چەوەڕی کریەێد لە نزیکترین وەخت کارەگە تەواو بوود.
دویەکە جمعە، گردەوبوینیگ لە ماڵ فوئاد حسێن وەزیر دەیشت کریا، کە نزیکەی 20 کەس لە شاند حکومەت هەرێم وە سەرۆکایەتی وەزیر دارایی کوردستان وەڕیەو چوود، وە بەشداریکردن بڕیگ لە وەڕیەوبەرەیل گشتی لە وەزارەتەگە، ئەرا گفتوگۆکردن لەبان مووچەی مانگ کانوون یەکەم 2024 و مووچەیل ساڵ 2025.
