دارایی کوردستان لە رەسین پۊل مووچەیل تەمموز راگەینێد: وەیزۊە بەشەو کریەێد

شەفەق نیوز- هەولێر

وەزارەت دارایی لە هەرێم کوردستان، ئمڕوو دوشەممە، خەوەردا لە رەسین بڕە پۊلەیل مووچەی مانگ تەمموز، و دووپات کرد کە زۊوەزۊ بەشەو کریەێد.

 وەزارەتەگە لە بەیاننامەیگ وت: "سپۆنسەرکرن مووچەیل مانگ تەمموز کە رەسێدە (830,782,000,000) هەشتسەد و سی ملیار و هەفتسەد و هەشتا و دوو ملیۆن دینار وە شیوەیگ فەرمی، جویر سپۆنسەرکرن ئەرا مووچەیل فەرمانبەرەیل و مووچەخوەرەیل لە هەرێمەگە ئەرا مانگ تەمموز، خریاسە ناو هەژمار بانکی وەزارەت دارایی و ئابووری حکومەت هەرێم کوردستان لەلای لق هەولێر بانک ناوەندی عراقی".

وتیش "هاوشیوەی مانگەیل گوزەشتە، وەزارەت دارایی فیدراڵی هەڵسیا وە بڕین بڕ (120,000,000,000) سەد و بیس ملیار دینار لە گشت سپۆنسەرکردنەگە، جویر بەش خەزینەی فیدراڵی لە داهاتە بیجگە نەفتییەیل هەرێم کوردستان ئەرا مانگ تەمموز".

دیاری کرد "لەی چوارچیوە، و لەناو سپۆنسەرکرن مووچەیل خود مانگ، بڕ (3,326,931,000) سێ ملیار و سێسەد و بیس و شەش ملیۆن و نۆسەد و سی و یەک هەزار دینار کل نەکریاس، کە بڕیگ تەرخانکریاگە ئەرا پووشین شایستەیل مووچەیل مانگەیل گوزەشتە ئەرا خانەنشینەیل مەدەني و سەربازی لە هەرێم".

 هەمیش وت: دەسوەجی دۊای تەواوکردن رێکارەیل و وەرگردن پۊلەگە وە کاش لە لق هەولێر بانک ناوەندی عراقی، خشتەی مووچەیل وە شیوەیگ راسەوخۆ بڵاو کریەێد، و دەس کریەێد وە بەشەوکردن مووچەیل مانگ تەمموز لە زۊترین وەخت.