چەکدارەیلیگ پەلامار بنکەی پولیس دەن لە تاسلوجە
2023-12-10T12:52:51+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا چەکدارەیلیگ پەلامار بنکەی پولیس تاسلوجە دانە لە سلێمانی، بویەسە مدوو زەخمداری دوو پۆلیس.
سەرچەوەگە وە ئاژانس شەفەق نیوز خەوەردا " شمارەیگ چەکدار کە دڵنگ مەدەنی پووشینە تەقەڵا دانە لە ماشینەگەیان نزیکەوبوون کە وەرجە هەفتەیگ دەس وەبانی گیریاوێد" وتیش ماشینەگەیان لە ئەنجام رویداویگ هاتوچو لە ناوەن پۆلیس تاسلوجە دەسوەبانی نریاس".
سەرچەوەگە وتیش، " پولیس ئاگادار چەکدارەیل کردیە ئەرایان نییە بچنە لای ماشینەگە، باوجی چەکدارەیل پاداگری کردنەس بایەت گشتیان بچن".
سەرچەوگە وتیش "شمارەی چەکدارەیلە چوار کەس بوینە، گشتیان دڵنگ مەدەنی پووشینە و چەک هەڵگردنە وە مدوو دروسبوین ناکۆکی و مەرافە وەگەرد فەرمانبەرەیل چەکدارەیل تەقە کردنە و دوو پولیس زەخمدار کردنە".
