دەسگیرکردن کەسیگ وە توومەت دزین 19 ماتۆڕسکیل کاسبکارەیل وە زوور چەک
شەفەق نیوز/ قسەکەر پۆلیس هەولێر، ئمڕوو چوارشەممە، خەوەردا لە دەسگیرکردن کەسیگ ک 19 ماتۆڕسکیل کاسبکارەیل وە زوور چەک دزیە.
هۆگر عەزیز، قسەکەر پۆلیس پارێزگای هەولێر، ئمڕوو چوارشەممە، لە بەیاننامیگ راگەیان، "لەماوەی گوزەشتە چەن کوڵە ڤیدیۆییگ بڵاوبویە ک کەسیگ وە زوور چەک ماتۆڕسکیل لە کەسیگ کاسبکار دزێد، ئیمە لە تەقەلاداین وەردەوام بویمن تا ناسنامەی ئاشکەرا بکەیمن و شوین حەوانەوەی پەیابکەیمن ک دیار نەبوی".
دیاریکرد، لە دویای تەقەلاداین فرەیگ توەنستیمن شوین توومەتبارەگە پەیابکەیمن، دویاجار پێویست بوی تیمیگ ئامادەبکەیمن ئەرا دەسگیرکردنی، چوینکە توومەتبارەگە چەک وەکار هاورد، لەمەوقەی رویوەروی بوین یەکیگ لە کارمەندەیلەش زەخمدار کردیە باوجی توەنستیمن دەسگیری بکەیمن".
ئاشکەرایکرد، مەوقەی لێکۆلینەوە تۆمەتبارەگە دان وە هەفت تاوان دزی نایە، باوجی وەگورەی زانیاریەیلمان 19 تاوان دزی وە زەبر چەک ئەنجام دایە، وتیش، تۆمەتبارەگە تەمەن 30 ساڵە خەڵک هەولێرە دانشتگ ئەوشارەس وەکارهاوەر مادەی هووشبەرە پەراو ئەرای وازکریایە و رێکارەیل یاسایی وەرانوەری وەردەوامە.
