دەسگیرکردن ٦ کەس لەهەولێر وەئاشکرایی مەی نووشینە

 شەفەق نیوز/ وەڕێەوبەرایەتی پۆلیس هەولێر پایتەخت هەرێم کوردستان، ئمڕوو دووشەممە، راگەیان دەسگیرکردن شەش کەس توومەتبار وە نووشین چشتەیل سەرخوەشی لە رووژ مانگ رەمەزان لەیەکیگ لە شوینە گشتیەیل ناوڕاس هەولێر.   

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: بەش پۆلیس فریاکەفتن شەش توومەتبار دەسگیر کرد، مەی لەناو یەکیگ لە مەیدانەیل گشتی لە رووژەیل مانگ رەمەزان نووشینە.   

بەیاننامەگە دیاریکرد ک هۆکەر عەزیز قسەکەر پۆلیس هەولێر دووپاتکرد لە دەسگیرکردن شەش توومەتبار ک خوەیان هەر لە (ر. م. م.) و (ک. ج. ع.) و (ف. م. م.) و (ک. ک. ح.) و (هـ. ع. ڕ.) و (ف. ع. ع.)  بوین وە توومەت نووشین مەی و مادەیل کحولی لە مەیدان ئەڤین لە گەڕەک هەڤاڵان لەناو مانگ رەمەزان.   

بەیاننامەگە وتیش: عەزیز باس کرد ک پۆلیس دەسنا بان ماشینیگ مارکەی شێڤرولێە ئۆپترا وەگەرد  مەی وچشتەیل کحولی، ودادەی دەس بنکەی پۆلیس سەروران.