دەسگیرکردن بازرگانیگ مادەی هووشبەر لە هەولێر یەک کیلوگرام ماریجوانا وەپی بویە
2024-04-03T11:12:54+00:00
شەفەق نیوز/ وەڕێوەبەرایەتی دژە مادەیل هووشبەر هەرێم کوردستان، ئمڕوو چوارشەممە، خەوەردا لە دەسگیرکردن کەسیگ توومەتبارە وە بازرگانیکردن وە مادەی هووشبەر و یەک کیلوو ماریجوانا وەپی بویە لە پارێزگای هەولێر.
وەڕێوەبەرایەتیەگە لەبەیانامەیگ رەسیە ئاژانس شەفەق نیوز وت، "وەردەوامبوین لە تەقەلایلمان لە وەرەنگاربوین مادەی هووشبەر دەسگیرکریا، و لەدویای لێکۆڵینەوە و کووەوکردن زانیاری و وەرگردن فەرمن دادوەر لێکۆڵەر ئاسایش، تیمەگەمان توەنست لە وەڕێوەبەرایەتی وەرەنگاری مادەی هوشبەر هەولێر توومەتبار دەسگیربکەێد کە بازرگانی وە ئەو مادەیلە کردبوی".
وتیش "توومەتبارەگە یک کیلووگرام مادەی ماریجوانا وەپی گیریایە"، وتیش؛ "لێکۆڵینەوەیل تا ئیسە وەرد توومەتبار وەردەوامە"
