دەربەندیخان...دەسگیرکردن کەسیگ وە توومەت دزین پارچەیل ماشین لە دوکانیگ
2024-01-29T08:26:53+00:00
شەفەق نیوز/ وەڕێوەبەرایەتی پۆلیس سلێمانی، ئمڕوو دووشەممە، راگەیان کەسیگ وە توومەت دزین پارچەیل ماشین دەسگیرکریایە و دەسیش نریاس وەبان ئەو پارچەیلە.
وەپای بەیاننامەیگ وەڕێوەبەرایەتیەگە "دویای ئەوەگ هاوڵاتیگ سکاڵا توومارکەێد لە دوکانەگەی پارچەی ماشین و کەلوپەل جویراوجویر دزیایە، هێزەیل پۆلیس لێکۆڵینەوە و وەدویاچگن دەسوەپی کردنە لەدویای وەرگردن بڕیار دادوەر و توەنریاس وەلایەن مەفرەزەیل پۆلیس دەربەندیخان توومەتبار پەیابکرێد و دەسگیربکرێد".
دیاریکرد، لەمەوقەی دەسگیرکردنەگەی دەسگیریاس وەبان پارچەی ماشین کە توومەتبارەگە بردوێدەی.
ئاشکەرایکرد، ئیرنگە توومەتبار (ك،ك، ع لەداڵگبوی 1971) وە بڕیار دادوەر گیریاییە و لێكۆڵینەوە وەگەردیا وەردەوامە.
