خيزاىەیلیگ کورد وەرجە ٢٤ ساڵ دەرچگن بڕیار گلەوخواردن وەرەو ئاوایەیلیان لە دهۆک دەن
شەفەق نیوز/ خیزانەیلیگ کورد، وەرجە ٢٤ ساڵ لەوەر پەکەکە لە ئاوایەیلیان لە دهۆک کۆچ بردنە، بڕیار گلەوخواردن وەرەو ئاوایەیلیانان دان، و داوا لە دەسەڵاتەیل کردن خزمەتگوزارییەکان لە ئاو و کارەبا و خاسکردن ریەیل جیوەجی بکەن.
هاووڵاتی کورد تەیب ئەحمەد لە خەڵک ئاوای چووڵکریاییگە لە ناحیەی ئەتروش لە دهۆک ئەرا ئاژانس شەفەق نیوز ئویشێد: خەڵکەیل بڕیگ لە ئاوایەیل بڕیار گلەوخواردن وەرەو ئاوایەیلیان دان، و نشان دا ک ژمارەیان رەسێدە زیاتر لە چل خیزان، گشتیان نیاز گلەوخواردن وەرەو ئاوایەیلیان دیرن.
وتیش: خەڵکەیل ئەو ئاوایەیلەەلە ساڵ ١٩٩٧ لەوەر پەکەکە میلکان هیشتنە جی.
هاووڵاتی کورد کەماڵ عەبدولڵا خەڵک ئاوای کفارا، داوا لە حکومەت هەرێم کوردستان کرد خزمەتگوزارییەکان ئەرا ئەو ئاوایەیلە دابین بکەێد، و لەڕی شەفەق نیوز دووپات کرد لە نیاز خەڵکەگە ئەرا گلەوخواردن وەرەو ئاوایەیلیان، و جەخت کرد لە گرنگی دابینکردن کارەبا و ئاو و خاسەوکردن ریەیل.
لەلای خوەییش قایمقام قەزای شێخان سەردار یەحیا ئەرا ئاژانس شەفەق نیوز وت: پلان ئیدارەگە دابینکردن خزمەتگوزارییەکان ئەرا قۆناغەیل هاتگ ها ناوی، ئەوەیش وەهەماهەنگی وەرد وەڕێۆبەرەیل ناحیەیلە لە ناوچەگە.
