خانەنشینی هەرێم کوردستان مەوقەی بەشکردن مووچە وە سیستەم ئەلیکترۆنی دیار کەێد
شەفەق نیوز/ حازم ئیسماعیل وەڕیەوبەر گشتی خانەنشینی هەرێم کوردستان، ئمڕوو شەممە، خەوەردا ک لە سال ئایندە مووچەی خانەنشینیەیل کریەێدە سیستەم ئەلیکترۆنی.
ئیسماعیل ئەرا ئاژانس شەفەق نیوز وت: تەقەلایل حکومەت هەرێم کوردستان وەردەوامە ئەرا جیوەجیکردن میکانزم مووچەی خانەنشینیەیل وە سیستەم ئەلکترۆنی، و دیاری کرد ک لە سەرەتای ساڵ ئایندە ئەو سیستەمە کەفێدە ئاست جیوەجیکردن.
ئیسماعیل دیاری کرد ک حکومەت هەرێم کوردستان یەکەم قۆناغ لە پڕۆژەگە تەواو کرد ک گریەداین گشت وەڕیەوبەرایەتیەیل خانەنشینی وەیەکەو وەگورەی سیستەم ئەلیکترۆنی لەناو بوی، ک شمارەیان ١٥ وەڕیەوبەرایەتیە، وتیش: لە مەوقە بەیاننامەیل کاغەزی خریەنە ناو کۆمپیوتەر.
ئیسماعیل هەمیش وت: دویەم گام پرۆژەگە گریەداین وەڕێەوبەرایەتیەیل وە بانکەیلە، ئەوەیش ئەرا بەشەوکردن مووچەیل وە کارت زیرەک، و وەڕێەوبەرایەتی گشتی ئیرنگە دەسکردە ئامادەکردن ئەرا دەرکردن کارت زیرەک.
