خانەقین کەمترین گەشتیاری لە میژووی لەی جەژنە توومار کەێد
سەمیر سەردار وەڕیەوبەر گەشتوگوزاری خانەقین لە هەرێم کوردستان ئەرا ئاژانس شەفەق نیوز وت: خانەقین لەی جەژنە بەددترین ریژەی بەشداریکردن گەشتیارەیل وەخوەی دی، یەیش پیشینەیگە کە لە میژوو خوەی نەیە، تەنانەت مەوقەی رەوش ئەمنی جاران و جەنگ داعشیش و کاردانەوەیلی لە ماوەی ساڵەیل گوزەشتە وەیجویرە نەویە.
سەردار وتیش: شمارەی گەشتیار و هاتن ئەرا خانەقین فرە کەمە لەوەر هوکار کەشوهەوا و تاقیکردنەوەی مەکتەوەیل ناوەندی، و ئاست ژیان کە هیشتیە هاوڵاتیەیل ناو و دەیشت خانەقین جەژن لە کوردستان یا بەغدا وەسەر بوەن، یا روی وەرەو دەیشت وڵات بکەن.
وتیش؛ وەگەرد نەوین شوین و شوینە گەشتیارییە ئاساییەیل لە خانەقین و نەوین پاڵپشتی حکومەت وەگەرد ئەوەیش وەلێ رەوش توخمەیل گەشتیاری ئمساڵ لە ساڵەیل گوزەشتە خاسترە، بەڵام هوکارەیل دوودڵی ئەڵاجەوی و سەرسڕکەرە.
دوودڵی گەشتیارەیل رەسیە کەمەوبوین کاروان و گروپە گەشتیاریەیل کە لە وەڕێوەبەرایەتی گەشتوگوزاری خانەقین وەرەو ناوچەیل کوردستان بچن، ک سەردار وتیش؛ وەڕێوەبەرایەتیەگەی 10 گروپ گەشتیاری وەرگردیە، کە نزیکەی 600 کەس بوین، کە رەزامەندی گەشتیاری و مووڵەت چگن ئەرا ناو ناوچەیل هەرێم وەرگردنە.
وتیش: شمارەی ئەو گروپەیلە ک لەناو خانەقینەو رەد بوون و وەرەو کوردستان چن فرە کەمە، دویای ئەوەگ لە جەژن و بوونەیل گوزەشتە وەناوهاتن و رەدبوین سەدان و هەزاران گروپ گەشتیاری وە خانەقینەو وەرەو ناوچە گەشتیارییەیل سنوورەگە توومار کردن.
رووژ چوارشەممە قەزای خانەقین لە دیالە ریژەی بەشداریکردنیگ لاواز وەرەو ناوچە گەشتیارییەیل توومارکرد و نزیکە لە نەوین کەشوهەوای جەژن وەمدوو کەشوهەوا و تاقیکردنەوەی کۆتایی ئەرا خوەنەوارەیل ناوەندی، یەیش بیجگە لە نەوین شوین و سەیرانگەیل نموونەیی ئەرا وەسەربردن وەخت خوەشیگ، وەکورەی بەیاننامەیگ لە وەڕیەوبەرایەتی گەشتوگوزاری خانەقین.
