خانەقین...خوەینیشاندان دەرچگەیل زانکۆی گەرمیان دژ وە بڕیار دانوەپینەنان وە زانکۆی گەرمیان

سەرچەوەگە ئمڕوو وە ئاژانس شەفەق نیوز خەوەردا " شەوەکی ئمڕوو دەرچگەیل زانکۆی گەرمیان لە خانەقین خوەنیشاندان کردن دژ وە بڕیاڕەگەی حکومەت عراق ک زانکۆگە وە دانوەپی نەنریاگ لەقەڵەم دایە و بی بەشیان کردیە لە ماف دامەزرانن، و  داوای دانوەپینان زانکۆگە کەن".

سەرچەوەگە وتیش" لەدویای بڕیار دامەزرانن سێ یەکەمەیل هەرێم سەر وە ناوچە دابڕیاگەیل وە لایەن حکومەت فیدراڵی سەرەتا وە دەسپیچگ دان وەپینەنان زانکۆگە یەکەمەیلەی ئەو زانکۆیە بی بەشکریانە لە دامەزرانن و ئیرنگەیش دەرچگەیلتر ئەو زانکۆ بی بەش کریانە".

ئاشکەرایکرد، " تا ئیسە دەرچگەیلە لە خوەنیشاندان وەردەوامن و ری ناوبەین خانەقین کەلار بەسانە ".