خاسەوبوین ١٠٢٨ تووشهاتگ و تۆمارکردن زیاتر لە ٤٠٠ تووشهاتن نوو وەکۆڕۆنا لە هەرێم کوردستان

شەفەق نیوز/ هەرێم کوردستان هەلقوڵان گەورایگ لە خاسەوبوینەگان تۆمارکرد لە بیمارەیل ڤایڕۆس کۆڕۆنا، وهەمیش ژمارەی تووشهاتنە نووەگان لە ماوەی ٢٤ ساعەت گوزەیشتە کەمەوبوی.

وەزارەت تەندروسی لەبەیاننامەیگ رەسیە ئاژانس شەفەق نیوز وت: ٤٦٣ تووشهاتن نوو تۆمار کریا، وەیجوورە بەشەوبوی:

٢١٣ هەولێر، ٨٥ سلێمانی، ٣٤ گەرمیان، ١١٦ دهۆک، ١٥ هەڵەبجە.

بەیاننامەگە ئاماژەدا وە خاسەوبوین ١٠٢٨ تووشهاتگ لە ماوەی دوو هەفتە، وەیجوورە: ١١٦ هەولێر، ٨٥٦ سلێمانی، ٤٠ گەرمیان، ١٦ هەڵەبجە.

بەیاننامەگە باسکرد ک ٢٤ مردن تۆمار کریا وەیجوورە: ١٠ هەولێر، ٥ سلێمانی، ٢ گەرمیان، ٢ راپەڕین، ٥ سلێمانی.

بڕ ژمارەی تووشهاتنەگان لەوەخت بڵاوبوین پەتاگە لە هەرێم تا ئیسە بویە : ٢١٦٦٠ تووشهاتگ، و خاسەوبوینەگان ١٢٥٢٤ ، و ٧٧٧ مردن.