خۆشناو دەسکەێدە ئەرکەیل پارێزگار هەولێر و کوردستان ئامادەکاری ئەرا بڕیارەیل مقەیەتی نوویگ کەێد
شەفەق نیوز/ ئومێد خۆشناو، ئمڕوو دووشەممە، وەفەرمی دەسکردە ئەرکەیل پارێزگار هەولێر، لەناو رسوومەیلیگ ک ڕێبەر ئەحمەد وەزیر ناوخۆ ئامادەی بوی.
ڕێبەر ئەحمەد لە کۆنگرەیگ رۆژنامەوانی ئاژانس شەفەق نیوز ئامادەی بوی وت: ئمڕوو بەڕێز خۆشناو وەفەرمی دەسکەێدە ئەرکەگانی، و کارەگان لە هێمن قادر وەرگرێد ک لەی ماوە وەجینشینی لە پۆستەگە بوی .
وتیش؛ ئەرکەیل سەختیگ هانە چەوەڕی بەڕێز ئومێد خۆشناو بەڵکم و هاوکاری گشتی توانای سەرکەفتن دیرێد.
وتیش؛ چەن گرفتەیلیگ لە ناوخۆ و لە عراق و ناوچەگە دیریمن، و یەکەمیان ڤایڕۆس کۆڕۆناس، و ئامارە عراقیەگان زیایبوین تووشهاتنەگان نشان دەن، و ژمارەگان لە هەرێم کوردستان رووژانە جووراجورن.
لەلاییگ تر لە کۆنگرەگە، وەزیر ناوخۆ وت: لە رووشنایی راپۆرتەیل وەزارەت تەندروسی، شایەت چەن بڕیار نوویگ بووەیمن، و ئمڕوو دەسەی باڵای نواگردن کۆڕونا کۆبونەوە کەێد.
وتیش؛ تا ئیسە هیچ بڕیاریگ دەربارەی قەیەغەی هاتووچگن گشتگیر نییە.
