خۆپیشاندانەیلیگ داوای جیوەجیکردن رێککەفتن شەنگال و کۆتایی لە زاڵبوین پەکەکە کەن
شەفەق نیوز/ دەیان لە خەڵک شەنگال، ئمڕوو پەکشەممە، دەرچگنە خۆپیشاندان ئەرا پشتگیری ئەو رێککەفتنە ک حکومەت هەرێم کوردستان وەگەرد حکومەت فیدڕاڵی لە باوەت گونجانن رەوشەگان لە قەزای شەنگال دابڕیاگ وەپی رەسی.
موزاحم حوێت نۆینەر پیکهاتەی عەرەو لە هەرێم ک لە خۆپیشاندانەگان بەشدار بوی، ئەرا ئاژانس شەفەق نیوز وت: ئی خۆپیشاندانە وە ئامانج زویکردن لە جیوەجی کردن رێککەفتنەگە رێکخریاگە، ئەرا بەرژەوەنی خەڵک قەزاگە ک لەدەس داعش و کۆمەڵە لەیاسا دەرچگەیل زیان وەخوەیان دوینن.
خۆپیشاندانەگە لە قەزای شێخان لە پارێزگای دهۆک دەسکردەپی و خۆپیشاندەرەگان ک خوەیان لە شەنگال ئاوارەن، داوای قاوداین پەکەکە لە قەزاگەیان کردن، تا دووارە وەرەو میلکانیان بچنەو.
پەیامنێر ئاژانس شەفەق نیوز وت: خۆپیشاندەرەگان دروشمەیل دژوە کردەوەیل پەکەکە هەڵگردن لە کارەیل پێشەلکاری رسوومە مرۆییەکان و یاسا ناودەوڵەتیەگان، و توومەتبار پەکەکە کردن وە رفانن مناڵە ئەیزیدیەگان و بردنیان ئەرا ناو خودیان.
لەلای خوەییش مەحما خەلیل قایمقام وەرین قەزای شەنگال ئەرا ئاژانس شەفەق نیوز وت: دەرکردن کۆمەڵە چەکدارەگان لە قەزاگە کار گرنگیگە وئاوارەگان نیەتوێنن ئەرا میلکانیان بچنەو تا ئەندامەیل پەکەکە هانە قەزاگە و زاڵبوین سەربازی لەبانی دیرن.
