حکومەت هەرێم کوردستان نرخ فیدراڵی ئەرا سەنین گەنم لە جفتیارەیل دانەێد

شەفەق نیوز/ وەزارەت کشتوکاڵی و سامانەیل ئاوی لە هەرێم کوردستان، ئمڕوو پەنجشەممە، بڕیار دا لەبان نرخ حکومەت فیدراڵی گەنم لە جفتیارەیل هەرێم کوردستان بسینێد.  

وەزارەتەگە لە بەیاننامیگ ئمڕوو وت: لەهەیوەت بەرژەوەنی گشتی هاووڵاتییەیل و سەنین گەنم ئمساڵ لە جفتیارەیل، بڕیار دریا گەنم لە دەیشت کار وەرگردن گەنم لە سایلۆەیل هەرێم کوردستان بسینیەێد، وەگورەی گریەبەسیگ ناوبەین وەزارەتەگە و دوو کۆمپانیای (خۆشناو و قەیوان) ک پڕۆژەی سەنین گەنم جفتیارەیل جیوەجی کەن. 

ودیاری کرد ک وەرگردن گەنم لە جفتیارەیل لەبان بنەمایل وەزارەت بازرگانی لە حکومەت فیدراڵی وەڕیەو چوود، و نرخ هەر تەنیگ گەنم پلە یەک ٨٥٠ هەزار دینارە.