حکومەت هەرێم کوردستان سوو شەممە کەێدە پشوو وەبونەی سەر ساڵ کووچی
2022-07-29T12:58:19+00:00
شەفەق نیوز/ حکومەت هەرێم کوردستان لە عراق بڕیار دا دەوام فەرمی لە فەرمانگە و دام و دەزگایەیل وە بوونەی سەرساڵ کووچی بکەێدە پشوو.
وەپای ساڵنامەی کووچی ک شانشین سعودیەی ئەرەوی کار وەپی کەێد، و فرەیگ لە وڵاتەیل ئسلامی لە بوونەیل ئاینی پشت وەپی بەسن، سوو شەممە 30 تەمووز یەکەم رووژ ساڵ کووچیە (1 موحەرەم) لە ساڵ 1444کووچی.
وەپای خشتەی پشووە فەرمیەل تایوەت وە حکومەت هەرێم کوردستان یەکەم رووژ محەرەم پشوو فەرمیە وەبونەی سەر ساڵ کووچی.
پشووە فەرمیەگەی هەرێم کوردستان دامودەزگایەیل تەندروسی و نۆرینگەی راوێژکاری ئیواران وەگەرد دەزگایەیل ئەمنی نیەگرێدەو ئەرا پیشکەشکردن خزمەتگوزاری پێویست وە هاوڵاتیەیل.
