حکومەت هەرێم کوردستان زیاتر لە 30 ملیار دینار ئەرا بیناکردن مەکتەو تەرخان کەێد
2022-11-28T10:05:01+00:00
شەفەق نیوز/ وەزیر پەروەردەی حکومەت هەرێم کوردستان ئاڵان محەمەد سەعید، ئمڕوو دووشەممە، راگەیان زیاتر لە 30 ملیار دینار تەرخانکردنە ئەرا بینای دامەزراگەیل پەروەردەیی لە هەولێر و شارەیل هەرێم، دووپاتکرد ساڵ ئایندە راستەوخۆ دەسکریەێد وە پرۆژەگە.
ئاڵان لە وەخت دانان سەنگ بناغەی مەکتەویگ بنەرەتی لە هەولێر ک ئاژانس شەفەق نیوز ئامادەبوی وت، کابینەی نۆیەم حکومەت هەرێم رووشنایی خەێدە بان کەرت تەندروسی و پەروەردە لەوەر گرنگیان ئەرا کۆمەڵگای کوردستان.
دیاریکرد، لە کەرت پەروەردە زیاتر لە 90 پرۆژە هەس ئەرا بیناکردن مەکتەو لە هەرێم وە گشتی و لە هەولێر وە تایوەتی، وتیش ئەنجومەن وەزیران هەرێم زیاتر لە 30 ملیار دینار عراقی دابینکردیە ئەرا بیناکردن باخچەی مناڵەیل و مەکتەو و پەیمانگا و زانکۆ و راستەوخۆ لە ساڵ ئایندە دەسوەپی کریەێد.
