حکومەت هەرێم: حکومەت عراق وەرپرسیارە لە دابینکردن مووچەی هاوڵاتیەیل کوردستان
قسەکەر حکومەت هەرێم، پێشەوا هەورامانی، ئمڕوو لە بەیاننامەیگ وت: "داهات نەفت، وە رێککەفتن وەرد حکومەت عراق، لە دەس حکومەت هەرێم کوردستان نەمەنیە، ئەراوە حکومەت عراق وە وەرپرسیار زانێد لە دابینکردن مووچە و شایستەی دارایی ئەرا هاووڵاتیەیل هەرێم کوردستان وەپەی یاسای بودجە".
وتیش؛ "لەو باوەتە گشت ئەرکەیلمان جیوەجی کردیمنە و مەرج یاسایی تەواو کردیمنە و تا ئمڕوویش سەرۆک حکومەت هەرێم کوردستان پەیوەندی داشتیە تا حکومەت عراق وە زویترین وەخت موچه ئەرا ئەو کەسەیلە کل بکەێد که موچە وەرگن و زیاتر ئی کارە نەخەێدە دیر".
هەورامانی وتیش: پەیام ئیمە ئەرا بەشیگ لە لایەنەیل سیاسی و کەسانیگ کە لە ماوەی چەن ساڵ گوزەشتە وە هویچ شیوەیگ گووش لە هەڵوێست یاسایی و دەستووری هەرێم کوردستان نەگردنە و جویر هاوڵاتی بەرژەوەنخواز خەڵک کوردستان رەفتار نەکردنە، ئەوەسە: زیاتر لە پایەی هەرێم کوردستان نەیەن، و ئەرا تەنیا جاریگیش وەرپرسیارانە وەرەو خەڵک کوردستان و مافە دەستوورییەیلیان گام بنەن.
قسەکەر حکومەت هەرێم وتیش؛ پرس مووچە پەیوەندی ڕاستەوخۆ وە ژیان خەڵک و ژیانی دیرێد و کار بانگەشە و پڕوپاگەندەی هەڵوژاردن نییە، هەرلیوا، نیەوود بکریەێدە ئامرازیگ ئەرا دەسوەشنانن لە پایەی یاسایی و دەستووری هەرێم کوردستان".
