جاریگتر.. کوشیان کووڵبەر کوردیگ وە گولەی پاسەوان سنوور ئیرانی

شەفەق نیوز/ ریخریاگ هەنگاو، ئمڕوو شەممە، وت: پاسەوان سنووری ئیران کوولبەریگ کورد لەبان سنوورەگە وەگەرد هەرێم کوردستان کوشتن، وتیش: ئامارەگە نشان کوشیان ٢٨ کووڵبەر وە ماوەی ٨ مانگ گوزەشتە دەێد.

ریخریایەگە ک پەیوەندی وە ماف مرۆڤ دیرێد لە بەیاننامەیگ رەسیە ئاژانس شەفەق نیوز وت: پاسەوان سنووری ئیران، کووڵبەریگ کورد لە سنوور ناوچەی بروشکانی سەروە شار بانە لەبان سنوورەگە وەرد هەرێم کوردستان کوشت، ودیاری کرد ک قوربانیەگە وەناو "رێبوار رەشید" لە تەمەن ٣٠ ساڵانە، خەڵک ئاوای قولیاوا لە بانە، باوگ دوو مناڵە و ژنەگەی زگی وە سێیەم مناڵە.

بەیاننامەگە وتیش" یە پەنجەم کووڵبەرە وە ماوەی یەک مانگ وەدەس پاسەوان سنووری ئیران کوشیەێد، وتیش" ئامار هەیشت مانگ گوزەشتە لەی ساڵە، نشان کوشیان ٢٨ کووڵبەر کوردن دەن.