توومارکردن زیاتر لە ٢٠٠ تاوان کوشتن و ٢٤٠ خوەیکوشتن پارەکە لە هەرێم کوردستان
ئەوەیش لە کۆنگرەیگ رووژنامەوانی وەلایەن موقەدەم کارزان ئەمیر قسەکەر پولیس هەرێم کوردستان هات، ک باس چالاکیەیل وەڕیەوبەرایەتیەگە لە ساڵ گوزەشتە کرد.
موقەدەم کارزان لەناو ئەو کۆنگرەگە ک ئاژانس شەفەق نیوز ئامادەی بوی وت: شمارەی ئەو رویداو و تاوانەیلە ک لە هەرێم کوردستان توومار کریایە وەیجویرەس: کوشتن زانستەنی ١٨٣ رویداو، کوشتن نەزانەستەنی ٣٢ رویداو.
وتیش: ٢٤٠ خوەیکوشتن توومار کریاگە، و ٥٩٣١ دزیکردن، و ٢٥٧٦ وەکارهاوردن هەڵەی سۆشیال میدیا، وەگەرد ١٣٩٨ خەڵەتانن، و ٧٩٩١ مچبڕی، و دەسگیرکردن ١١٥٦ کەس وە توومەت گەیاکردن.
موقەدەم کارزان وتیش: هزەیل ئەمنی ٣٢٤ کەس وە توومەت هوشبەری دەسگیر کردنە، و توومارکردن ٢١٢ رویداو تەقەکردن لە هەرێم کوردستان، وەگەرد ٥٢٠٦ هەڕەشە وە ساکاڵا لە بنکەیل پولیس.
وتیش: ٥٨٤١ مرافە لە بنکەیل پولیس توومار کریاگە، و سزیان ٢٠٧ کەس وە رویداوەیل گشتی، و ٨٦ کەس ئاگر خوەیان دانە.
هەمیش وت: پولیس ٨٠١ گریەبەسی مارەبڕین لە دەیشت دادگا توومار کردگە، و وەڕیەوبەرایەتی وەرگری شارستانی لە هەرێم کوردستان لە ساڵ گوزەشتە ٧٥٤٦ رویداو ئاگر توومار کردگە.
