٧ تووشهاتن وە کۆڕۆنا لە ناوچەیل ئیدارەی سەروەخوەیی
2021-02-04T12:48:39+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن ٧ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: تووشهاتنەگان ٣ پیاو و ٤ ژن بوین.
موستەفا وتیش: تووشهاتنەگان وەیجوورە بەشەوە بوین: حەسەکە ١، تەل تەمر ١، دێریک ١، ریقە ١، تەبەقە ١، دێر زۆر ٢.
مووستەفا دووپات لە تۆمارکردن دوو خاسەوبوین لە پەتاگە کرد.
ژمارەی تووشهاتنەگان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٥٢٣، لەلیان ٢٩٦ مردنە،و ١٢١٨ خاسەو بوینە.
