١٢٦ تووشهاتن نوو وە کۆڕۆنا لە کوردستان و بەرزەوبوین خاسەوبویەگان
2021-01-11T14:38:26+00:00
شەفەق نیوز/ وەزارت تەندروسی لە هەرێم کوردستان، راگەیان تۆمارکردن دوو مردن وە ڤایڕۆس کۆڕۆنا لەماوەی ٢٤ ساعەت گوزەیشتە، و هەمیش تۆمارکردن ١٢٦ تووشهاتن نوو و ٩٧٩ خاسەوبوین.
تەندروسی لە بەیاننامەیگ وت: ٤١٤٢ تاقیکردنەوە ئەنجام داگە، لەناویان تووشهاتنە نووەگان تۆمار کردگە م وەیجوورە بەشەوە بوین: ١٧ هەولێر، ٣٤ سلێمانی، ٧٣ دهۆک، ١ گەرمیان، ١ راپەڕین.
خاسەوبویەگان وەیجوورە: ٣٦١ هەولێر، ١٨٦ سلێمانی، ٣٣٦ دهۆک، ٤٣ گەرمیان، ٤٤ راپەڕین.
و دوو مردن لە پارێزگای سلێمانی تۆمار کرد.
لەوەخت بڵاوبوین پەتاگە لە هەرێم کوردستان، ١٠٤٥٢٨ تووشهاتگ تۆمار کریاگە، لەلیان ٨٠٩٤٠ خاسەوبوینە، و ٣٤٢٦ مردنە.
