ته‌ندروستى سلێمانى بانگه‌وازيگ ئاراسته‌ى خاسه‌وبويه‌يل له كۆرۆنا كرد
2020-06-16T21:01:15+00:00
شه‌فه‌ق نيوز/ فه‌رمانگه‌ى ته‌ندروستى سلێمانى له هه‌رێم كوردستان، بانگه‌وازيگ ئاراسته‌ى خاسه‌وبويه‌يل له ڤايرۆس كۆرۆنا كرد هه‌ڵه‌په‌ڵه بكه‌ن له به‌خشين وه پلامازى خوين، ئاماژه وه‌يه‌يش كرد 75 نه‌خوه‌ش هه‌ن حاڵه‌تيان ناجيگيره.
له‌ى باوه‌ته‌و، ئه‌ياد نه‌قشبه‌ندى قسه‌كه‌ر وه‌ناو ته‌ندروستى سلێمانى له لاپه‌ڕه‌ى خوه‌ى له فه‌يسبوك نويسرياگيگ بڵاوكرد ك ئاژانس شه‌فه‌ق نيوز ئاگادارى بوێ، وت: 75 نه‌خوه‌ش هه‌ن حاڵه‌تيان ناجيگيره، ئاماژه وه‌يه‌يش كرد 19 له‌ليان حاڵه‌تيان فريه سه‌خته.
نه‌قشبه‌ندى وه ئاماژه‌كردن ئه‌را ئه‌و شماره‌ى فريه، وت: داوا ئه‌كه‌يم ده‌سميه‌ت بدريه‌يم وه پلازما له‌وه‌ر قورتاركردن ژيان تويشبويه‌يل تر.
