تاڵەبانی لە تەهرانەو: هەرێم کوردستان رێز لە ئاسایش و سەروەری دەوڵەتەیل هاوسا گرێد
شفق نيوز - سلێمانی/تەهران
سەرۆک یەکێتی نیشتمانی کوردستان، باڤڵ جەلال تاڵەبانی، وەرد وەزیر دەرەوەی ئیران، عەباس عراقچی, لە تەهران پایتەخت گردەو بوین.
لە بەیاننامەیگ کە لە یەکیتی نیشتیمانی دەرچگە راگەیان، لە گردەوبوینەگە کە شاندیگ باڵا لە یەکیتی نیشتیمانی ئامادیەبوی، لەبان دویا نووەوبویەیل سیاسی و سەربازی ناوچەگە قسەکردن.
تاڵەبانی دووپاتکرد، دۆسیەیل هەوەجە وە چارەسەر ئاشتیانە و گفتوگوو وەردەوام کەن، دوارە دووپاتکرد تەقەلایەیل یەکیتی نیشتیمانی وەردەوامە لە پێناو چەسپانن ئاشتی و ئارامکردن هەڕەشەیل.
دیاریکرد، هەرێم کوردستان رێز لە ئـاشایش و یەکڕزی وڵاتەیل هاوسا گرێد، کە مێژوویگ هاوبەش و دێرین بەسێدەمان وە مەردم ئیران.
لایخوەیەو وەزیر دەیشت ئیران، وەپیزانین خوەی نیشاندا ئەرا رۆل باڤڵ جەلال تاڵەبانی و یەکێتی نیشتمانی کوردستان و لە هەوڵەیلیان ئەرا پاراستن سەقامگیری هەرێم کوردستان و عراق و ناوچەگە.
