تاڵەبانی ئەرکدار هیزەیل کۆماندۆ کەێد دامەزراوەیگ حکومەتی لە وەرپرسەیل گەندەڵ پاکەو بکەێد
شەفەق نیوز/ فەرماندەیی هیزەیل کۆماندۆ سەروە یەکێتی نیشتمانی کوردستان، ئمڕوو سێشەممە، وەرگردن فەرمان لەلایەن سەرۆک یەکێتی راگەیان ئەرا پاکەوکردن شارەوانی سلێمانی لە گەندەڵەیل.
هیزەگە لە بەیاننامیگ رەسیە ئاژانس شەفەق نیوز وت: لەی ماوەیل دویاییە، چەن لایەنیگ نا وەرپرس و وەرپرسەیلیگ حکومەتی وەژیر زوور دەسکردنە بردن چەن پارچە زەوییگ و داگیرکردنی ئەرا خوەیان، و ریگری لە جیوەجیکردن بڕیگ لە پڕۆژەیل ستڕاتیژی کردنە ک ئەرا خزمەت شارەگە نریایە.
بەیاننامەگە وتیش: بافڵ تاڵەبانی سەرۆک یەکێتی نیشتمانی کوردستان فەرمان دادە هیزەیل کۆماندۆی کوردستان وە جویلەکردن وەرەو شارەوانی سلێمانی ئەرا پاکەوکردن وەرپرسە گەندەڵەیل، و دەسگیرکردن ئەوەگ ریگری لە جیوەجیکردن پڕۆژەیل خزمەتگوزاری لە شارەگە کردیە.
هیزەیل کۆماندۆ، هیزیگ سەربازیە سەروە یەکێتی، جیگر سەرۆک هەرێم کوردستان و جەعفەر شێخ مستەفا ئەندام مەکتەب سیاسی یەکێتی سەرپەرشتی کەن، و وە فەرمان سەرۆک یەکێتی کار کەێد.
