تەندروسی کوردستان: رەوشەگە فرە سەختە و خەسەخانەگان بڕ بوین لە تووشهاتگەیل کۆڕۆنا

تەندروسی کوردستان: رەوشەگە فرە سەختە و خەسەخانەگان بڕ بوین لە تووشهاتگەیل کۆڕۆنا
2020-11-04T13:58:22+00:00

شەفەق نیوز/ وەزارت تەندروسی لە هەرێم کوردستان، ئمڕوو چوارشەممە، وت: رەوش تەندروسی لە هەرێم فرە سەختەو بوی لەوەر بەرزەوبوین تووشهاتنگان ڤایڕۆس کۆڕۆنا، و خەسەخانەگان لە تووشهاتگەگان پڕەو بوین وەگەرد زیایبوین تووشهاتنە سەختەگان.

ئاسۆ حویزی قسەکەر وەناو وەزارەتەگە ئەرا ئاژانس شەفەق نیوز وت: ژمارەی تووشهاتنەگان ڤایڕۆس کۆڕۆنا هالە زیایبوین وەردەوامیگ لەوەر پابەند نەوین هاووڵاتیبەگان وە ریکارە مقەیەتیەگان.

وتیش؛ شوونەگان لە خەسەخانە حکومەتیەگان دیرن نیەمینن، چوونکە تووشهاتنە سەختەگان رووژانە فرەوە بوون، وتیش؛ رەوشەگە فرە سەختەو بوی.

حوێزی ئاماژە کرد ک زیاتر لە ١٠٠ تووشهاتن سەخت لە هەولێر هەس، و ٢١٦ لە سلێمانی و زیاتر لە ٤٠ لە هەڵەبجە و زیاتر لە ٣٠ لە راپەڕین، و زیاتر لە ٢٥ لە گەرمیان، وزیاتر لە ١٥٠ لە دهۆک.

هەمیش وت؛ ئەیانە گشتیان هانە چەودیری وورد و ئۆکسجین وەرگرن.

لەباوەت پێداویستیە پزشکیەگان، حوێزی وت؛ ئیمە هایمنە هەماهەنگی وەردەوامیگ وەگەرد بەغداد، ئەرا رەوانەکردن پێداویستیە پزشکیەگان و هەمیش هایمنە پەیوەندی وەگەرد قونسڵیە بیگانەگان و رێکخراو تەندروسی جهانی ک پێداویستی پزشکی تایبەت وە کۆڕۆنا وەپیمان دەن.

Shafaq Live
Shafaq Live