تەندروسی کوردستان تەمەیلی ئەرا دەسەی باڵا دەربارەی دەوام مەکتەوەکان راگەینێد
شەفەق نیوز/ وەزارت تەندروسی لە هەرێم کوردستان، ئمڕوو چوارشەممە، راگەیان تەمەیلی خستە وەردەس دەسەی باڵای نواگردن ڤایڕۆس کۆڕۆنا لە هەرێم کوردستان ک رینما وە وەردەوامبوین دەوام فەرمی لە چینە خوەنەواریەکان دەێد.
یەیش لەوەختیگ تیەێد ک بڕیارە دەسەی باڵا ئمڕوو لەوەختیگ ئایندە کۆبونەوەیگ ئەرا هەڵسەنگاندن هەڵوێست تەندروسی لە هەرێم ئەنجام بەێد.
دکتۆر رهێل فرەیدون جینشین وەزارەتەگە لە کۆنگرەیگ رۆژنامەوانی لە سەردانەگەی ئەرا ناوچەی راپەڕین وت: وەزارەتەگە لە نزیکەو چەودیری مەکتەوەیل کەێد، و هەڵسەنگاندن ووردیگ لە رەوش تەندروسیی لەناویان کرد، وتیش؛ پێشنیار وەزارەتەگە ئەرا دەسەی باڵا ک ئەوەسا ئمڕوو لە وەختیگ ئایندە کۆبونەوە کەێد ئەوەسە ک دەرەیل مەکتەوەیل واز بمینن.
و ئاماژە کرد ک وەزارەت خوەنستن باڵا لە رووژ ٢٠٢١/٢/١ تا ٢١ خود مانگەگە، ١٦٠ تووشهاتن وە ڤایڕۆس کۆڕۆنا لەناو فەرمانبەرەیل و مامووستایل و خوەنەوارەیل تۆمار کردگە.
فرەیدون وتیش؛ پێشنیارەیل وەزارەتەگە ئەرا دەسەی باڵا دووپاتکردنە لەبان پابەندی وە کارە مقەیەتیەکان، و ئاماژە کرد ک کاریگ هەی وەگورەی خوازین وەگەردی رەفتار نەکریاگە ک خوەی گواستنەوەی ناونی پارێزگایل هەرێم و ئەو پارێزگایل عراقە، چوونکە دوو پارێزگاگە و وەرپرسەیل ئیدارە سەروەخوەییەکان باس لە کاریگەری قەیەغەی وەناوهاتن گەشتیارەیل لەبان ئابووری هەرێم کردن.
