تەندروسی و جوانکاری لە پیشانگایگ ناودەوڵەتی لە سلێمانی
ئاوات پایز عەزیز سەرپەرشتیار پیشانگاگە ئەرا ئاژانس شەفەق نیوز وت: پیشانگاگە لە هوتێل (گراند ملینیۆم) ناوڕاس سلێمانی واز کریا، وە بەشداریکردن ٦ دەوڵەت، هەرلە ئەڵمانیا و ئیتالیا و هندستان و ئیران و عراق، وەگەرد هەرێم کوردستان، و هەمیش وەگەرد ١٤ کۆمپانیا.
عەزیز وتیش؛ ئەو دەوڵەتەیلە بەشداری لە خەسەخانەیلیگ ناودەوڵەتی و کۆمپانیایل دەرمان جوانکاری، و کۆمپانیایل ئامێر جوانکاری، و کۆمپانیایل گەشتوگوزاری و تەندروسی کردنە، چوینکە پیشانگاگە کار ئەرا گەشتوگوزاری تەندروسی کەێد.
وتیش؛ پیشانگاگە گرنگی فرەیگ دیرێد، چوینکە زانست هەمیشە وەرەو نوا چوود، و هاووڵاتی خوازێد وەگەردی بچوود، وتیش؛ ئەوەسا پیشانگاگە نمایشکردن نووترین تەکنیکیەیل جوانکاری و بەرنامەیل تەندروسی لە جەهان وەخوەی دوینێد.
هەمیش وت؛ پیشانگای ناودەوڵەتی سلێمانی تا ماوی سێ رووژ وەردەوامە، و خەڵکەکە توەنن سەردانی بکەن تا بزانن زانست لە چین تەندروسی و جوانکاری ئەرا کوو رەسیە.
