تەندروسی هەرێم کوردستان پلانەگەی ئەرا وەرگردن واکسین کۆڕۆنا راگەینێد

تەندروسی هەرێم کوردستان پلانەگەی ئەرا وەرگردن واکسین کۆڕۆنا راگەینێد
2020-11-24T14:40:09+00:00

شەفەق نیوز/ وەزارت تەندروسی لە هەرێم کوردستان تەقەلای وەرگردن واکسین ڤایڕۆس کۆڕۆنا دەێد، ئەگەر لەلایەن رێکخراو تەندروسی جهانی دەرچگ و پشتگیری کریا.

دکتۆر سامان بەرزنجی وەزیر تەندروسی لە هەرێم کوردستان لە کۆنگرەیگ رۆژنامەوانی، ئمڕوو سێشەممە، داوا لە رێکخراوەگە کرد دەسمیەتی کوردستان بەێد تا واکسینەگە وەربگرێد.

وتیش؛ وەزارەتەگە لە دوو ڕیەو تەقەلایلیگ لەی چوارچیوە دەێد لە ری بەغدادەو و لەڕی هەرێم کوردستان وە راستەوخۆ.

بەرزنجی ئاماژە کرد ک وەزارەتەگە لە کارەیلی وەردەوامە ئەرا کەمەوکردن رێژەی تووشهاتنەگان و مردنەگان وە پەتاگە ئەرا خوارترین ئاست.

دکتۆر ئەدهەم ئیسماعیل نۆێنەر تەندروسی جهانی، ئمڕوو لە وەختیگ گوزەیشتە، باس لە گەشبینی  خوەی کرد لە توانای هەرێم کوردستان لە کۆنتڕۆڵکردن پەتای کۆڕونا، و ئاشکرای ئاماەدیی رێکخراوەگە کرد ئەرا دەسمیەتی هەرێم لە وەرگردن واکسین ڤایڕۆسەگە.

Shafaq Live
Shafaq Live