تیمەیلیگ پزشکی لە هەرێم کوردستان گەردنە ماڵەگان ئەرا چارەسەرکەردن لە کۆڕۆنا
شەفەق نیوز/ وەڕێۆبەرایەتی تەندروسی گشتی لە پارێزگای سلێمانی، ئمڕوو یەکشەممە، راگەیان دەسکرن وە هەڵمەت چارەسەرکەردن تووشهاتگەیل ڤایڕۆس کۆڕۆنا لەناو ماڵەیلیان لە هەرێم کوردستان.
کۆمپانیای پەیوەندیەگان «ڤاستلینک» ئی پڕۆژە وەخاوەن کەێد، و رێکخراو «کای» ئەرک جیوەجیکردنی هەڵگرێد، وەگورەی دکتۆر سەباح هەورامی وەڕێۆبەر تەندروسی سلێمانی.
هەورامی لە کۆنگرەیگ رۆژنامەوانی هاوبەش وەگەرد نۆێنەرەیل کۆمپانیاگە و رێکخراوەگە و ئاژانس شەفەق نیوز ئامادەی بوی وت: هەیشت تیم پزشکی لە ئمڕوەو دەسکەنە چالاکیەگانیان، وتیش؛ ئەو تیمەیلە توێنن سەردان ٨٠ تووشهاتگ وە ڤایڕۆس کۆڕۆنا بکەن، لەوانەگ لەماڵەو چارەسەری وەرگرن.
و ئاماژە کرد ک ئی چالاکیەیل پزشکیە خزمەتەیل گەورایگ ئەرا ئەو تووشهاتگەیلە پێشکەش کەن ک لە سلێمانی لە ماڵەوە چارەسەری خوەیان کەن، و دیاریکرد ک ئی چالاکیەیلە تەنیا لە سلێمانی نیەوود، بەڵکم ئیدارەی گەرمیان وپارێزگای هەڵەبجە و ئیدارەی ڕاپەڕین هەمیش گرێدەو، و وەڕاسیەو لەو پارێزگاگان هەرێم دەسکردنە پی.
دکتۆر هەورامی باس لە ئومید خوەی کرد ک دانیشتوەگان پابەندبوون وە رینما تەندروسیەگان و ریکارە مقەیەتیەگان ئەرا نواگردن لە تووشهاتنیان وە ڤایڕۆسەگە، و دووپاتکرد ک ئەو تووشهاتگەیلە ک توانای چگن ئەرا خەسەخانەگان نەیرن، توێنن لەی خزمەتەو چارەسەری وەربگرن.
