تەقەکردن له وەرپرس پۆلیس دارستان و ژینگە لە خانەقین
شەفەق نیوز- گەرمیان
وەڕیەوبەرایەتی پۆلیس دارستان ئیدارەی گەرمیان، رووژ دووشەممە، راگەیان کە وەرپرس هووبەی پۆلیس دارستان و ژینگە لە خانەقین کەفتیەسە وەر تەقەکردن، لە وەخت گلەوخواردنی لە ئەرکیگ ئەرا شوینکەفتن راوکردن نایاسایی، بی تومارکردن هقچ زیانیگ گیانی.
وەڕیەوبەرایەتییەگە، لە بەیاننامەیگ رەسیە ئاژانس شەفەق نیوز، دیاری کرد کە نەقیب هاوڕێ جەلیل قادر، وەرپرس هووبەی پۆلیس دارستان و ژینگە لە خانەقین، شەو دۊکە کەفتیەسە وەر تەقەکردن، لە وەخت گلەوخواردنی لە ئەرکیگ ئەرا وەدویاچگن راوکردن نایاسایی.
وتیش کە پەلامارەگە لەلایەن دوو چەکدارەو جیوەجی کریاس کە سوار ماتۆڕسکیلیگ بۊنە، و نزیکەی 30 گولە وەشاننە وەرەو ماشین وەرپرسەگە.
وەڕیەوبەرایەتییەگە دووپات کرد کە رویداوەگە نەۊسە مدوو هیچ زیانیگ گیانی، لە وەختیگ زیانەیل تەنیا کەفتیەسە بان ئەو کە وەرپرسەگە سواری بۊە.
