تەرخانکردن ٤ مەلیۆن دۆلار ئەرا بانکەیل خوین لە هەرێم کوردستان
2020-09-25T06:22:48+00:00
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، راگەیان تەرخانکردنی وەبایی ٤ مەلیۆن دۆلار ساڵانە، ئەرا سێ بانک خوینەگە لە هەرێم کوردستان.
بارزانی لەبان ماڵپەڕ تویتەر ک ئاژانس شەفەق نیوز چەودیریی کرد نووسان:ئمساڵ خۆبەشەگان ٩١ بوتڵ خوین پەخشانن وەگەرد زیاتر لە ٣ هەزار و ٤٠٠ بتوڵ پلازمای خوین ئەرا چارەسەرکردن تووشهاتگەیل ڤایڕۆس کۆرۆنا، وەتایبەت تووشە سەختەگان.
بارزانی ئاماژەکرد وەتەرخانکردن ٤ مەلیۆن دۆلار ساڵانە ئەرا سێ بانک خوینەگان لە هەرێم کوردستان، ووتیش: خوین پەخشانن خوەی پەخشین ژیانە.
بارزانی دیاریکرد ک حکومەت هەرێم کوردستان لەماوەی یەک ساڵ ٣٣ مەلیۆن دۆلار تەرخانکرد ئەرا سەنین دەرمانە نووەگان ک تایبەتن وە چارەسەری سەرەتان خوین، وئاماژەکرد وە کارکردن ئەرا چارەسەری ودەرمان تایبەت وەسەرەتان ئەرا رزگارکردن ژیان مەردم.
