بلاسخارت: دەستوور هەرێم کوردستان عراقیش و هێزەو کەێد

بلاسخارت: دەستوور هەرێم کوردستان عراقیش و هێزەو کەێد
2021-05-19T08:37:25+00:00

شەفەق نیوز/ جینین هینیس بلاسخارت نۆێنەر تایبەت ئەمیندار گشتی نەتەوە یەکگرتگەیل، ئمڕوو چوارشەممە، بڕیاردان دەستوور لە هەرێم کوردستان وە کاریگەری هێزیگ ئەرا گشت عراق دانا.

بلاسخارت لە وتاریگ لە مەوقەی دەسکردن وە کۆنگرەی (دەستور و یەکێتی) لە هەولێر وت: سیستەم فیدڕاڵی خوەی ئەو سیستەمەسە ک ئیسە هاڵە وەردەسمان و بایەتە گشت پێکهاتەیل لەلی سوود بگرن.

وتیش؛ گەشەی خاسیگ لە هەرێم نووڕیمن ئەرا نواگردن گشت ئەو گرفتەیلە ک ناوچەگە لەلی زیان وەخوەی دوینێد، و دووپات کرد ک رەوشەگە خوازێد کوردستان وەهێزیگ بوود، نەگ تەنیا لە ئاست عراق، بەڵکم لە ئاست گشت ناوچەگە.

هەمیش وت؛ یەیش وەشەو و رووژیگ ئەنجام نیریەێد، و بایەتە سەرکردایەتی هەرێم کار ئەرا پەیاکردن چارەی گرفتەیل ئیسە و گرفتەیل ماوە دریژەیل بکەێد.

بلاسخارت وتیش: بایەدە کار وەردەوامیگ بوود ئەرا ئەنجامدان یەکێتی لەڕی گفتوگۆ و وەرپرسایەتیەگە کەفێدە بان سەرکردایەتی کوردی ئەرا ئەنجامدان ئی ئامانجە لەڕی مینەکردن خاڵەیل گیچەڵەگە، و دووپات کرد ک هەسی ئۆپۆزسیۆن کاریگ ئاسایی و سرووشتیە و گووشگردن لەو لایەنەگە چشت ئاساییگە.

و دووپات کرد ک هەر یەکیتێیگ ئەنجام بیریەێد کەفێدە سوود هەرێم، ئەرا نموونە؛ ئەو تەقەلایلە ئەرا یەکگردن هێزەیل پێشمەرگە کەفێدە بەرژەوەنی گشت هەرێم کوردستان.

بلاسخارت باس هەڵبژاردن هاتگ کرد، وت: خوازم دووارە بویشم ک ئەرا گشتی فرە گرنگە ک وەیەکەو ئەرا وەهێزکردن هەرێم کوردستان کار بکەین.

لە کۆتایی قسەیلی وت: مەزەنە کەم ک ئەو دەستوورە ک باسی کەین ئەوەسا بوودە خاوەن کارگەرییگ ئەرا وەهێزکردن عراقیش، و فرە ئەرا گشتی گرنگە ک وەیەکەو ئەرا وەهێزکردن کوردستان کار بکەین.

Shafaq Live
Shafaq Live