بارزانی پیشوازی وە تۆمارکردن هەورامان لەناو لیست ئاسەواری جهانی کەێد
شەفەق نیوز/ مەسعود بارزانی سەرکردەی کورد، ئمڕوو چوارشەممە، پیشوازی وە بڕیار نەتەوەیی کرد لە تۆمارکردن ناوچەی هەورامان لەبان لیست ئاسەواری جهانی، و دووپات کرد ک خوەی ناوچەیگ کوردستانی گرنگیگە، و دەور گرنگیگ لە کەلتوور و ئەدەب و مێژوو و شۆڕش و سیاسەت و بزووتنەوەی ئازادیخوازی کوردستانی رانیە.
مەسعود بارزانی سەرۆک پارت دیموکرات کوردستان لە پەیامەگەی ک رەسیە ئاژانس شەفەق نیوز وت: فرە خوەشحاڵم وە بڕیار دویایین رێکخراو جهانی (یونسکۆ) ک بەش خوەرهەڵات کوردستان لە ناوچەی هەورامان خستە بان لیست ئاسەواری مرۆیی گرنگ.
بارزانی وتیش؛ بیگومان بڕیار یونسکو دەسکەفتنیگ ترە ئەرا خەڵک کوردستان و ناوچەی هەورامان، و پیرووزبایی وە بۆنەگە ئەرا گەل کوردستان و خەڵک ناوچەی هەورامان کرد و ئومید ئارامی و پێشکەفتن وەشیوەیگ گەورەتر ئەرایان خوازێد.
ناوچەی هەورامان رەسێدە وەرجە زیاتر لە دە. هەزار ساڵ، و ٧٦ ئاوای لە لای عراقی و ئیرانی لەناوی هەس، و هەژمار دانیشتوەیلی رەسێدە ناونی یەک مەلیۆن و نیم تا دوو مەلیۆن، و فرەی خەڵکەگەی لە کشتوکاڵی و شوانی و کار دەسی و ئاسەواری کەن.
