بارزانی سەرەخوەشی لە مردن قەرەداغی کەێد: هەڵقەی گرنگیگ بوی لە خەبات ژن کوردستانی
2020-10-10T17:08:09+00:00
شەفەق نیوز/ نێچیرڤان بارزانی سەرۆک هەرێم کوردستان، ئمڕوو شەممە، پرسەو سەرەخوەشی کرد لە مردن شاعر ونووسەر کورد مەهاباد قەرەداغی، ودووپاتکرد ک خوەی وەرگر ناوداریگ بوی لە ماف ژن و هەڵقەی گرنگیگ بوی لە خەبات ژن کوردستانی ئەرا ئەنجامدان یەکسانی.
لە پەیام پرسەگەی بارزانی ک رەسیە ئاژانس شەفەق نیوز وت: وە گشت خەفتیگ چاو مردن شاعر ونووسەر وچالاکوان مەهاباد قەرەداغی وەگردیمن، و ئاماژەکرد ک خانم مەهاباد قەرەداغی خزمەت گەورایگ پێشکەشکردە ئەدەب کوردی و وەرگر رپیگ بوی لە مافەیل ژنان و هەڵقەی گرنگیگ بوی لە خەبات ژنەیل کوردستان ئەرا ئەنجامدان یەکسانی.
بارزانی دووپاتکرد ک کار و چالاکییەگانی وە بەرز هەڵسەنگنێد و پرسەو سەرەخوەشی لە قەوم و کەسوکارەیل و رووشنهویرەیل و گشت ژنەیل کوردستان کرد.
